नवी मुंबई : गणेशोत्सवाच्या मंगलमय पर्वानिमित्त तुर्भे एमआयडीसी पोलीस ठाण्याचे वरिष्ठ पोलीस निरीक्षक सुनील शिंदे यांनी तुर्भे स्टोअर येथील नवयुवक मित्र मंडळ सार्वजनिक गणेशोत्सव मंडळाला भेट देत श्री गणरायाचे मनोभावे दर्शन घेतले.

यावेळी वरिष्ठ पोलीस निरीक्षक सुनील शिंदे यांच्या शुभहस्ते श्री गणरायाची आरती करण्यात आली. त्यांनी उपस्थित गणेशभक्तांना गणेशोत्सवाच्या मनःपूर्वक शुभेच्छा दिल्या.नवयुवक मित्र मंडळाच्या गणेशोत्सवास भेट दिल्याबद्दल ज्येष्ठ नगरसेवक सुरेश कुलकर्णी यांच्या हस्ते वरिष्ठ पोलीस निरीक्षक सुनील शिंदे यांचा शाल व पुष्पगुच्छ देऊन सत्कार करण्यात आला.या प्रसंगी नवयुवक मित्र मंडळाचे पदाधिकारी, शिवसेना–युवासेनेचे पदाधिकारी तसेच कार्यकर्ते मोठ्या संख्येने उपस्थित होते. गणेशोत्सवाच्या पार्श्वभूमीवर पोलीस अधिकारी आणि गणेशोत्सव मंडळाच्या पदाधिकाऱ्यांमध्ये उत्साहपूर्ण वातावरणात संवादही झाला.